Natural Remedies for African Hair: How to Stop Scalp Irritation Wahala and Itching

How you go fit find solution wey go calm your scalp irritation wahala and itching? Many remedies dey online wey yo fit try o, but if you no sabi wetin fit cause or de cause your own wahala, those remedies fit no work well for you. Make we find out the causes and natural remedies for better scalp health wey we go tailor on top African hair type.

Potential Cause of Scalp Wahala and Itching

• Product Buildup: Remains from hair products fit block your pores and cause wahala. Relaxers and chemical treatments wey no wash well comot for head, leave-in conditioners and hair cream or pomades wey get petroleum or heavy oils inside, fit cause build-ups and irritate person scalp.

• Dry Scalp: If hair no get enough moisture, e fit cause dryness and itching.

• Scalp Infections: Fungal or bacterial infections like dandruff and head lice fit cause itching and discomfort.

• Allergic Reactions: Some people fit dey sensitive to some ingredients for hair products wey fit cause itching. Ingredients like fragrance, preservatives, and alcohol dey among ingredients wey fit cause itching for inside hair products for some persons. Each person go need to find and figure out wetin exactly de cause itching for-am.

• Environmental Factors: Exposure to harsh weather or pollution fit irritate the scalp.

How Scalp Wahala fit Affect African Hair

Scalp wahala fit spoil hair growth and cause dandruff, hair breakage, and thinning. For African hair wey dey thick and dry, to maintain scalp health dey important for overall hair health and growth.

Natural Remedies to Calm Scalp Wahala

Tea Tree Oil:

Dilute tea tree oil with coconut oil or any other carrier oil.

Rub the mixture for your scalp, focus on places wey dey irritate.

Leave-am for 20-30 minutes before you wash-am comot well-well with mild shampoo.

Deep condition after.

Aloe Vera Gel:

Collect fresh aloe vera gel from the plant.

Mix or blend-am with coconut oil or other carrier oil

Rub the mixture for your scalp and massage-am gently.

Leave-am for like 30 minutes before you wash-am with warm water and mild shampoo.

Deep condition after.

Apple Cider Vinegar Rinse:

Mix apple cider vinegar with double part of water.

After you don wash your hair, pour the mixture for your scalp and massage.

Make e stay small before you wash-am with water.

Deep condition after.

Coconut Oil Massage:

Warm coconut oil small for small bowl.

Massage the oil for your scalp with small round movements.

Leave-am overnight or for some hours before you wash-am with sulphate-free shampoo.

Deep condition after.

Neem Oil:

Mix neem oil with another oil like olive or almond oil.

Rub the mixture for your scalp and massage-am well-well.

Leave-am for like 40 minutes to 1 hour before you wash-am with gentle shampoo.

Deep condition after.

Caution:

• Try one remedy at a time. No use all of them the same time o. With time, you go know which one soothe your head pass.

• Make you always do small test for your skin before you use any natural remedy. If wahala still dey or e dey worse, stop to use-am and go see your doctor.

Routine Recommendations to Fight and Prevent Scalp irritation Wahala and Itching

• Maintain a healthy scalp: De try wash your hair regularly at least one time in 2 weeks. Try de add drops of herbal oils like neem, hibiscus, onion, or ginger oil inside your shampoo.   Avoid leave-in products like hair cream or pomades wey get petroleum or heavy oils inside. If you de relax hair, make sure you de use neutralizing shampoo on your relax day. No manage water or use salon wey de manage water when you want relax and do wash-and-go. After you relax your hair, make sure say you wash your hair one week after your relaxed day.

• Pre-poo hot oil treatment and Regular scalp massage: De always do pre-poo hot oil treatment with coconut oil and other herbal oils and massage your scalp for up to 10 minutes  before you shampoo your hair. De add this oil-dem inside your shampoo and deep conditioner.  See our article  "Dry-scalp-causes-and-solutions-for-african-hair" and Dandruff-cause-and-solutions-for-african-hair

• Limit hair product wey fit cause itching wahala: Try de use shampoo wey free from sulphate, parabens, and silicon. Avoid products wey get fragrance and alcohol if you notice say your irritation de worse. No too de use hair bonding, gels or edge controls wey de leave residue for hair.

• Find and figure out the cause: Try find out wetin de cause your irritation and itching wahala. You fit reduce the amount or number of times you de use any product wey get ingredient wey you suspect or stop-am totally and find other alternatives. 

• Environmental Factors: If weather dey harsh or you de work around area wey pollution dey well-well, try de cover your hair to protect-am to avoid exposure wey fit irritate the scalp.

• Balance Diet: De chop better food with better nutrients and vitamins wey fit promote healthy scalp. Wetin you de chop fit affect make your scalp de irritate or itch.

Why Natural Remedies De Work for African Hair

People don use natural remedies like tea tree oil, coconut oil, aloe vera, neem, and others for many years for Africa because e get healing power. These things gentle but them de work, and them fit help with wahala wey people with African hair de experience.

Make you embrace the power wey nature don give you to take care of your scalp, so that your hair go fit de grow well. As you de add these natural remedies to your hair care routine, you go enjoy relief from itching, de nourish your scalp, and make your hair dey strong.

I remain with una, 

MamaDelight 😍

AfricNaijaHairCarePidgin! 😍😍😍

#AfricanHairType, #AfroHairType, #AfricanHair, #NigerianHair, #AfroHair, #Blackhair, #AfricanHairCare, #AfroHairCare, #NigerianHairCare, #Nature, #NaturalHairCare, #NaturalHair, #Relaxedhair, #HairTips, #GrowLongHair, #HairGrowth, #Naturalvs.Relaxed, #PidginEnglish, #HowTo, #Benefits, #Challenges, #HairJourney,  #AloeVera,   #dryscalp,  #dandruff,  #Itching, #AfricNaijaHairCarePidgin, #Africa, #AfricanHeritage, #AfricNaija, #Understand, #Sabi, #Africansheabutter, #sheabutter, #DandruffSolution #FlakyScalp #AfricanHairCare #HairCareTips #NaturalRemedies #HairHealth #HairGoals, #ScalpItching, #wahala, #teatreeoil, #aloevera, #coconutoil,
 #neem oil, #scalphealth, #hairgrowth.

Join us for AfricNaijaHairCarePidgin.blogspot.com to learn more about how you fit take care of your African hair well-well. 

Learn more for other articles like: 

Dry Scalp: Causes and Solutions for African hair (africnaijahaircarepidgin.blogspot.com)

Dandruff: Cause and Solutions for African Hair (africnaijahaircarepidgin.blogspot.com)

Head Lice: Big Battle! How to Tackle-Am for African Hair (africnaijahaircarepidgin.blogspot.com)