Head Lice: Big Battle! How to Tackle-Am for African Hair

Head lice na serious problem wey many people no matter the color and tribe wey them come from de face and don face. For some people, e just be like say them dey battlefield de fight war with head lice. As the lice no de gree for them, them too no de gree for the lice. Omo, who go come win this battle o? 😨😭

For this blog article, we go find-out wetin head lice be, how e de affect hair and scalp, the signs wey fit show say person get head lice, and the natural remedies and solutions wey don work for our african ancestors-dem and wey fit work for you or your love ones too.

Understanding Head Lice

Head lice na small insects wey dey live for the scalp and feed on blood. Them de spread through close contact with person wey don dey infected or by sharing personal items like combs, scalf, hats, or towels. E dey common among children, but adults fit get-am too.

Impact on Hair and Scalp

Head lice de cause serious wahala for hair and scalp.Them fit cause serious itching and discomfort as them de bite the scalp to suck blood. No be small thing o! 🙍This constant scratching fit lead to irritation, inflammation, and even infection of the scalp.

Signs of Head Lice

Some common signs wey fit show say person get head lice na:

• Scalp wey de always scratch without break.

• Feeling like say something de waka for the head.

• Small red bumps or wound for the scalp.

• Finding live lice or their eggs (tiny white or yellowish eggs) for the hair or scalp.

Natural Remedies and Solutions

To treat head lice for African hair, natural remedies and solutions fit be the best option. The options na:

• Neem Oil or Neem Water: Neem leaf get power wey fit help kill head lice. Apply neem oil to your scalp and hair. Leave-am for some hours or overnight. Wash-am with mild shampoo and deep condition after. You fit also boil neem leaf for water. Allow make e cool down and use-am rinse and massage your hair. Leave-am for like some hours or overnight. Wash-am with mild shampoo and deep condition after.

• Garlic & Lime Juice: Crush few pieces of garlic and mix-am with lime juice. Apply-am for your scalp. Leave-am for like 30 minutes before you rinse-am comot. Wash-am with mild shampoo and deep condition after.

• Tea Tree Oil: Known for e antimicrobial properties, tea tree oil fit kill head lice. Mix-am with carrier oil like coconut oil and apply to the scalp. Leave-am for like 20 minutes. Wash-am with mild shampoo and deep condition after. 

• White Vinegar: The acid of vinegar fit help to loosen the eggs of the lice from the hair shaft. Mix equal parts of vinegar and water, apply to the scalp, and leave-am for 30 minutes before rinsing. Wash-am with mild shampoo and deep condition after.

• Wet Combing: This method also dey good to remove lice and their eggs. Wet your hair or just after washing your hair, section your hair into smaller portion.  Take one part at a time and use fine tooth comb to de comb your hair downwards. You fit do this also after you don apply the two remedies for up, just before you wash your hair with mild shampoo.

Recommended Routine to Fight Head Lice

To prevent head lice infestation and spread, make sure say you:

• De wash your hair regularly at least one time in 2 weeks with gentle shampoo and conditioner. Clean head no de attract lice. De add herbal oils like neem oil to your shampoo when you wan wash your hair.

• Avoid sharing personal items like combs, hairbrush, hats, scarf, and towels with people.

• De clean and disinfect all your hair accessories like combs, hairbrush and other things wey get direct contact to your hair and scalp regularly. Your bed linen, and the pillowcase too dey important to always dey neat all the time.

• De pack and tie your hair upward for the period wey you de battle with head lice. You fit de braid or plait the hand. If your hair dey like that, e go make-am hard for lice to see where to pitch and gum to.

• Teach your children to avoid head-to-head contact with others.

• De Check your hair and scalp regularly, especially after you don expose with person wey get head lice.

Head lice na serious wahala wey fit cause plenty discomfort and inconvenience. But with the right knowledge and treatment, you fit win the war against-am. Make sure say you follow all the advice wey dey this article so that you go fit win your battle with lice very easily. 

Abeg, continue to learn about african hair issues and solutions for our blog and follow our blog for more helpful tips and advice.

I always remain with una, 

MamaDelight 😍

AfricNaijaHairCarePidgin! 😍😍😍

#AfricanHairType, #AfroHairType, #AfricanHair, #NigerianHair, #AfroHair, #Blackhair, #AfricanHairCare, #AfroHairCare, #NigerianHairCare, #Nature, #NaturalHairCare, #NaturalHair, #Relaxedhair, #HairTips, #GrowLongHair, #HairGrowth, #Naturalvs.Relaxed, #PidginEnglish, #HowTo, #Benefits, #Challenges, #HairJourney,  #AloeVera,   #dryscalp,  #dandruff,  #Itching, #AfricNaijaHairCarePidgin, #Africa, #AfricanHeritage, #AfricNaija, #Understand, #Sabi, #Africansheabutter, #sheabutter, #DandruffSolution #FlakyScalp #AfricanHairCare #HairCareTips #NaturalRemedies #HairHealth #HairGoals, #ScalpItching, #wahala, #teatreeoil, #aloevera, #coconutoil,
 #neem oil, #scalphealth, #hairgrowth, #headlice, #lice.

Join us for AfricNaijaHairCarePidgin.blogspot.com to learn more about how you fit take care of your African hair well-well. 

Learn more for other articles like: 

Dry Scalp: Causes and Solutions for African hair (africnaijahaircarepidgin.blogspot.com)

Dandruff: Cause and Solutions for African Hair (africnaijahaircarepidgin.blogspot.com)

Natural Remedies for African Hair: How to Stop Scalp Irritation Wahala and Itching (africnaijahaircarepidgin.blogspot.com)