Dry Scalp: Causes and Solutions for African hair

If your head de always scratch you, de remove flakes, or de look dry, you no dey alone o. Plenty women including men-self de experience-am. Most times, this things de happen when person get dry scalp. Dry scalp and dandruff de get almost the same symptoms with few difference. Person fit get dry scalp and de think say na dandruff e get. For this article, na dry scalp we go talk about. The next article go talk about dandruff and how you fit know the difference. You don wonder wetin be dry scalp, wetin fit de cause-am, and how you fit treat-am naturally and get better hair and scalp wey go dey moisturize? Abeg, follow as we de pieces this matter wey de give too much concern to both women and men dem.

Wetin Be Dry Scalp?

Dry scalp na when the scalp no get enough oil to make the head dey moiturize or when the skin for head don loose too much water and moisture. This condition fit cause itching, flaking, and irritation. E fit also cause make the hair de look dry, since na oil from the scalp de help condition the hair. This condition dey common with people with dry skin and fit also be sign of other health problems.

Signs of Dry Scalp

Person wey get dry scalp fit notice:

• Some place for im head wey de scratch and get tiny and white flakes.

• Skin or scalp wey de peel-off and dey rough.

• Skin or scalp wey de pain or de burn.

Wetin De Cause Dry Scalp?

Dry scalp fit come from many things like hair product build-up, chemical treatment for hair, harsh weather, washing hair too much, and make person no too de drink enough water. Some skin conditions like dry skin, eczema and psoriasis fit also cause or worsen dryness.

Effects on Women and Everyday Life

Dry scalp fit cause make scalp de scratch, make e de irritate, and make person even de loss hair. For African women, this matter de embarrass person and de vex well-well. E fit also affect person confidence and overall well-being.

Natural Remedies

• Tea Tree Oil: Apply diluted tea tree oil for scalp to calm itch and reduce swelling. Mix few drops with coconut oil or olive oil.

• Aloe Vera: Rub aloe vera gel wey you don mix with coconut or olive oil for scalp to moisturize and soothe dryness. Leave-am for 30-40 minutes before you wash-am comot with gentle shampoo.

• Coconut Oil: Rub warm coconut oil for scalp and leave-am overnight to moisturize well. Wash-am for morning with gentle shampoo.

• Whipped Shea Butter: Take whipped shea butter and rub-am for scalp to moisturize and protect against dryness. Our DIY-DIU whipped shea butter dey perfect for this kind thing.*

• Neem Oil: Mix neem oil with coconut oil and rub-am for scalp to stop dryness and itchiness.* Check our DIY-DIU Page for better Neem Oil

Routine Recommendations

• Reduce how you de wash your hair to ones in 2-3 weeks to stop make the natural oil wey dey for your scalp de strip comot.

• De do hot oil treatment with natural oils like coconut oil, allow make e stay for your scalp for up to 30-40 minutes before you shampoo your hair. This one go help hydrate your scalp well.

• No de use shampoo wey get sulphate inside. Use mild and sulphate-free shampoo. You fit also de mix your shampoo with Neem oil.

• De deep condition each time you shampoo your hair. You fit add natural oils or other herbal hair oils* to your deep conditioner too. E go help de hydrate your scalp.

• Avoid using gel if your dry scalp dey serious. If you de use leave-in conditioners and other hair sprays, e good make you de use clarifying shampoo ones in a while to comot build-ups.

• De drink plenty water every day to moisturize your body and your scalp.

• De use humidifier for your house if you get the power, to add small water for air, especially when weather dey dry.

• No de use heat styling tools too much, because e fit worsen dryness for your scalp.

• When wheather dey harsh, try de use hat or scalf to protect your head

Conclusion:

If you sabi wetin de cause your dry scalp and you add natural remedies for your routine, you fit treat and stop dry scalp. Make sure say you de listen to your hair and scalp, and de adjust your routine as e dey necessary. With consistency and care, you fit get healthy, moisturized scalp and fine hair.

I remain with you, 

MamaDelight 😍

AfricNaijaHairCarePidgin! 😍😍😍

#AfricanHairType, #AfroHairType, #AfricanHair, #NigerianHair, #AfroHair, #Blackhair, #AfricanHairCare, #AfroHairCare, #NigerianHairCare, #Nature, #NaturalHairCare, #NaturalHair, #Relaxedhair, #HairTips, #GrowLongHair, #HairGrowth, #Naturalvs.Relaxed, #PidginEnglish, #HowTo, #Benefits, #Challenges, #HairJourney,  #AloeVera,   #dryscalp,  #dandruff,  #Itching, #AfricNaijaHairCarePidgin, #Africa, #AfricanHeritage, #AfricNaija, #Understand, #Sabi, #Africansheabutter, #sheabutter,