For plenty African culture, our hair na big expression of who we be, so we do everything to make am shine like star. Every coil, every curl, every strand na proof of our history, a story wey pass through generations. But even with all the greatness wey e get, African hair don face plenty wahala no be here. This wahala don make artificial hair take over our hair matter, and e don make many people forget the true beauty of our african hair, whether e dey relaxed or natural.
This discouragement don bring different new fake hair wey don make people forget the real beauty wey dey inside our hair. Many African women don lose confidence and de always wear different kinds of wigs wey de make the artificial hair market sell well-well. The market don because of the plenty profit wey them de make from selling this fake hair spoil our mind say our african hair no dey good enouh. They don make us lose our confidence and pride for wetin God give us naturally. If you de see some of us everyday for a whole one year, you fit no see how our real hair really look for at least one time. Na so-so wig o, in different forms, length, and style. The matter really heavy!
The Beauty of African Hair
Our hair no be just hair; e be like canvas wey de full of different styles and textures. From the tightly coiled 4C to the bouncy 3A, African hair plenty well-well and e de shine. E fit bend-am anyhow from to handle-am natural, relax am, plait, twist, I mean anyhow you want-am. E strong well-well na like mirror of our roots.
Setbacks and Discouragement
But e get many of us wey don face wahala for hair matter o. From to de fight against dry hair, hair wey de break anyhow and no gree grow pass where e dey, to hair hair wey no easy to manage or wey wey hairdresser de spoil. For a long time, this problems don combine cause lots of frustration.
Embrace Our Real Self
As we de enter 2024, make we carry-back wetin our true story be. Wetin we wan do this year?
- Care for our hair with love and patience
- Fix our relationship with our hair wey go respect wetin e be
- Enjoy the real beauty wey African hair get.
AfricNaijaHairCarePidgin and You
For AfricNaijaHairCarePidgin, we sabi the hair tori wey dey ground and we wan change am. Our platform no be just to show product o, na to celebrate the different beauty wey dey African hair, whether e dey relaxed or natural. We know say the society pressure and trends don make many people run-comot from the true beauty of their hair. For our blog, our articles no be just to give solution, we de mix old-time wisdom with new science, to help both natural and relaxed hair. From shea butter wey de care well-well to coconut oil wey fit help, our articles de mix old tradition and new ideas.
Our goal for the year na to ginger people to love their hair again, whether e dey relaxed or natural. We wan give advice wey go help both kinds of hair for way wey go help you respect and appreciate their unique beauty.
More Than Hair Matter
Our work pass only hair matter o—na about confidence, pride for our culture, and how we fit express ourselves. For us, Pidgin English no be just only language choice; na to reconnect us with our heritage and speak the language of our hair with the language of our hearts. 😎
Come Join Us
We de invite you to join us for this big journey, to celebrate the beauty wey dey African hair, whether e dey relaxed or natural. Make we scatter this trend wey don cover our confidence and pride for our unique hair and reclaim 2024 as a year wey go lift us up and cherish the beauty of our roots, traditions, and the different forms wey African hair de take. Read, learn, and use this advice dem wey we de share for your hair matter. Share our articles with your people, na love and unity e de show.
2024: Big Year, New Story
O yaaaa 📢, make we make 2024 pass just ordinary year. Turn-am to milestone—time wey go make us fall in love with our hair again. Celebrate our roots, our tradition, and all the things we share as Africans.
With love,
Posts
0 Comments