Role wey African Shea Butter De Play for Hair Growth
See 3 ways wey African shea butter fit contribute to the health of our hair:
- E de Retain Moisture: Shea butter get plenty fatty acids and natural oils wey dey inside wey make-am dey good to moisturize both hair and scalp. E fit help to keep moisture for hair and e no go let-am de dry. This one fit stop hair to de break and help-am de grow well.
- E de Feed the Scalp Well: The vitamins and antioxidants wey dey inside shea butter de feed scalp well. E de make sure say hair folicles get better splace to grow well. E de reduce irritation for scalp and dandruff wey go fit make hair grow well.
- E de Make Hair Strong: The vitamin A and E wey dey inside shea butter de help make hair strong. E go reduce hair breakage and make sure say hair dey strong and healthy.
5 Wrong Ways to Use African Shea Butter for Your Hair
- If You Use Unrefined or Raw Shea Butter Directly: If you use unrefined shea butter for your hair or scalp without say you melt-am first with other oil or mix-am well, e fit leave build-up for your hair and scalp. And that one no good for both hair and scalp at all.
- Too Much Use: If you de put plenty shea butter for your hair, e fit make your hair dey too oily and weigh-am down.
- If Your Hair Don Already Get Oil: If your hair don get oil already and you come add shea butter, e fit make am worse, e fit build up and no go dey comfortable for you and your hair.
- If Your Hair Too Wet and You Use Too Much: If you put plenty shea butter for hair wey too much water still dey inside, e fit make the shea butter no work well to moisturize your hair.
- If You No Test Am First: If you no do small test to check whether shea butter go good for your body before you begin use-am well, e fit cause allergy or irritation for your scalp or body.
Better Way to Use African Shea Butter For Your Hair
The best-better way to use shea butter for hair na to whip am with other oils wey fit carry-am enter inside your hair well (carrier oils). Whipped shea butter dey easy to put for hair and e de enter hair and scalp well-well.
How to Make Whipped Shea Butter
Whipped Shea butter with Oil*
Take raw shea butter, add any carrier oil of your choice like coconut or jojoba oil. Pour them for one container and place the container inside another container wey hot water dey inside. This one na to just melt the oils and the shea butter together. You fit still add and mix any other herbal oil like aloe vera oil or clove oil with-am, depending on wetin you wan achieve. You fit also add essential oils or Vitamin E oil. Allow the mixture to cool down inside fridge or freezer for like 15-20 minutes or when the mixture go don come together, almost dey freeze but e no go freeze. Abeg, no let-am freeze finish o!😭. Make liquid oil still dey inside small. Bring-am out from fridge and start to whip-am with hand mixer until e turn light and fluffy. Package-am inside a cream container for your use.
Emulsified Whipped Shea Butter for Hair*
Emulsified whipped shea butter na shea butter wey them blend with water, oil and other liquid like aloe vera gel. You fit still add other herbs join am depend on wetin you wan achieve for your hair or wetin your hair need. Emulsified whipped shea butter go help keep moisture well for your hair and e go make am easy to rub for hair without making the hair dey too oily.
How to Apply Shea Butter for Hair for Better Result
1. Shea Butter Hair Mask
Make shea butter hair mask to deeply nourish your hair and scalp.
How to Do am: Melt shea butter for low heat, mix-am with coconut, jojoba, or olive oil. You fit use already whipped shea butter for better result.
How to Apply: Rub the mixture for your scalp and hair, make e cover everywhere. Leave am for like 30-60 minutes before you go wash am off with shampoo and warm water. Condition your hair after.
2. Shea Butter Leave-In Conditioner
Use shea butter as leave-in conditioner. E go help make your hair soft.
How to Do am: Put whipped shea butter or Emulsified whipped shea butter for damp or dry hair. Apply am well for the tip of hair. Style your hair as you like.
3. Massage Your Scalp with Shea Butter
Massaging shea butter for your scalp go help your hair grow well:
How to Apply: Rub small-small whipped shea butter for your hand make e warm small, rub am for your scalp gently with small-small round movement. You fit do this one 1 or 2 days before your wash day.
Where You fit Find Correct Raw or Unrefined African Shea Butter
Get-Am Locally: For correct shea butter, you fit try local market, natural health shops, special beauty stores, or online shops wey de sell natural products for your country. If you never buy-am before, I go suggest make you go local market yourself to search for-am or ask someone who sabi better one to buy for you.
Order From Me*: You fit order raw shea butter wey I de get from correct source or whipped shea butter wey I go do special for your hair from me. I fit do-am for you (DIU) if you no fit do-am yourself (DIY). 😍
Wetin You Need to Remember
- Different people fit get different experience with shea butter, so make you try-am for small place first before you begin use-am well make e for no go cause allergy for your body.
- The best type of shea butter for your hair na raw or unrefined shea butter but for better result, you need to whip or mix-am well with other oils before you use am for your hair
Using shea butter for your hair fit change everything. This natural cream go make your hair strong, healthy, and shine well. Whether na for moisturizing or to take care of your scalp, shea butter na your correct partner. Enjoy the beauty wey this natural product de bring and see as e go help your hair shine when you use-am for the correct way. Grap wetin nature don give you now! Abeg, no waste time! 😎
Until next time,
AfricNaijaHairCarePidgin! 😍😍😍
You fit order correct, unrefined shea butter wey I source directly for better results or whipped shea butter wey I go do special for your hair from me. I fit do-am for you (DIU) if you no fit do-am yourself (DIY). 😍Contact me, make you fit get your own take upgrade your hair routine.
*
#AfricanHairType, #AfroHairType, #AfricanHair, #NigerianHair, #AfroHair, #Blackhair, #AfricanHairCare, #AfroHairCare, #NigerianHairCare, #Nature, #NaturalHairCare, #NaturalHair, #Relaxedhair, #HairTips, #GrowLongHair, #HairGrowth, #Naturalvs.Relaxed, #PidginEnglish, #HowTo, #Benefits, #Challenges, #HairJourney, #Understand, #Sabi, #Africa, #AfricanHeritage, #AfricNaija, #AfricNaijaHairCarePidgin, #Africansheabutter, #sheabutter, #Ori
Posts
: How E Fit Help Your Hair Grow Well){kind=link}
0 Comments