African-Naija Traditional Haircare: Everything Wey You Suppose Sabi - Part 1

Inside the rich culture of Africa, Naija de shine well-well as the place wey hold plenty natural ways to take care of hair wey our ancestors dem don pass down from one generation to another. From the plenty land wey dey for Naija go reach the broad history of Africa, we get different kinds of correct haircare ways wey don work and still de work for us. Make we enter this journey wey go show us everything about this time-honored remedy. Abeg, sit-down de read with your popcorn for hand. 😉

 

Wetin Nature Don Give Us

Shea Butter

Shea butter wey dem de call 'Ori' for Yoruba land and 'Okwuma' for Igbo land in Nigeria get better long history with us. Our ancestors perform many wonders with am no be small. From body care go reach hair care. Shea butter get the power to make hair soft and shine like the midnight stars. We go discuss better ways you fit use shea butter for better result for your hair for our future article. 

Neem Plant

Neem, wey dem de called Dogoyaro for Nigeria, get power against bacteria and fungi. E also get big role for Naija and African haircare history. The leaves and seeds fit fight dandruff, calm down scalp wey dey scratch, and e fit help hair grow well. This important ingredient don be foundation for better haircare because of e healing and caring properties. 

 

Hibiscus or Zobo Leaf

Hibiscus wey dem still de call "Zobo" for Naija no be only for drink o, e de also help hair well-well. Apart from say e contain iron wey fit help to grow hair if you de drink am well, e fit also add shine to your hair and make am strong if you boil am and use am wash your hair or soak am for oil and de use am to massage your scalp.  Wetin Zobo leaf get fit make dull hair come back alive and make hair fine.

Chebe Plant

This Chebe plant wey come from Northern Nigeria but originally from Chad don dey popular because e get power to strengthen hair. If dem grind am into powder and mix am with other things, e go make hair well moisturized, reduce how hair de break, and fit help make hair long reach e maximum lenght. E de help hair make e dey fine and strong.

 

Onion

Onion na one of the haircare things wey no too cost. At least we de always get am for our kitchen, The sulfur wey dey inside onion fit help hair grow well and e de reduce how hair de fall. The juice or extracts wey dem get from am de ginger hair to grow well, e de care for the scalp, and e de make hair strong and dey fine.

 

Cloves

Na everybody sabi cloves wey dem de popularly call 'Kanafuru' for Nigeria because of e sweet smell and the way e de take treat many sickness. Cloves de make blood waka well for body even reach person scalp when dem mix am with oil or put am direct for scalp. This one de help make the environment of the scalp better so that hair go fit grow well.

 

Aloe Vera

Aloe vera, wey dem still sabi as "Eti Erin" for Naija dey popular and people respect am because of how e fit calm down and moisturize hair. E gel fit moisturize hair well, balance how the scalp pH be, stop dandruff wahala, and de help hair grow well if you use am correctly. No worry, we go discuss how you go fit use aloe vera correctly for your hair for our future article.

 

Papaya Seeds

Papaya or Pawpaw seed dey rich for hair growth and our ancestor dem no de take am play. But today, many people no too de look papaya or pawpaw seed as anything wey fit dey useful for hair. But Papaya get enzyme wey de clean scalp and ginger hair to grow well, and e de help make the scalp dey good for hair growth.

 

Coconut Oil

For plenty Naija house, coconut oil na beta thing for body and haircare. Coconut oil de waka well inside hair and fit make hair strong. If you de use am well, your hair go always shine and e go dey strong.

 

Palm Kernel Oil

Na from palm kernel fruit dem de take do palm kernel oil, and this oil na better oil wey get plenty nutrient wey de nourish and soften hair. E go help repair hair and make am dey well again.

 

Castor Oil

Castor oil, wey be another Africa better thing for hair dey popular because of the acid wey dem dey call ricinoleic wey e get. E fit strengthen hair follicles, ginger hair to grow well, and e de stop hair from breaking if you use am correctly. 

 

Heritage: Outside Naija

Moroccan Argan Oil Shine

From North Africa, Moroccan argan oil fit moisturize hair well and e fit make hair shine well well. You go see am for many African haircare product.

 

Kalahari Melon Seed Oil Refreshment

From South Africa, Kalahari melon seed oil get plenty antioxidant, e fit refresh hair, and e fit bring back hair shine.

 

Wisdom from Tradition

This na just some of wetin nature don give us wey our ancestors dem benefit from well-well. Part 2 of this article go talk more of this natural things. This natural remedy wey be part of African history and culture dem, de show as nature and haircare de connect well. From Naija ancestral tradition go reach other rich African lands, each of this ingredient de represent wisdom wey don dey for long time from generation to generation.

 

As we de celebrate all this better-better remedy wey our ancestors don give us, we no only de hail their power but also de appreciate the culture wey de behind them. Make this better remedy de guide us to make our hair strong, fine, and make we fit connect well with our roots.

With love,

AfricNaijaHairCarePidgin! 😍😍😍

#AfricanHairType, #AfroHairType, #AfricanHair, #NigerianHair, #AfroHair, #Blackhair, #AfricanHairCare, #AfroHairCare, #NigerianHairCare, #NaturalHairCare, #NaturalHair, #Relaxedhair, #HairTips, #GrowLongHair, #HairGrowth, #Naturalvs.Relaxed, #PidginEnglish, #HowTo, #Benefits, #Challenges, #HairJourney, #Understand, #Sabi, #Africa, #AfricanHeritage, #AfricNaija,  #AfricNaijaHairCarePidgin

Photo Credit: Ninetechno on Pixabay