Onions, wey we sabi, and no fit play for inside many of our African dish get surprise benefits wey fit help your hair grow well. This kitchen spice wey get plenty use, get nutrients wey dey good to make hair dey strong and healthy.
 |
| Onion Power for Hair Growth |
For African Traditions
For olden days for Africa, people don use onions treat different hair wahala. They don use am grow hair, treat dry scalp, dandruff, make hair wey no too full dey full. Them sabi say this spice fit help hair grow well and fit help clean the scalp.
Modern Research Confirm Am
Science don confirm wetin our ancestors bin don talk and believe about onions. They say the sulfur, quercetin, and antioxidants wey dey inside onions, fit help make blood fit flow well for scalp wey de make hair folicles grow well and e fit fight infections for scalp.
10 Benefits of Onion for African Hair
- E De Improve the Health of the Scalp: Onion de build the overall health of the scalp and de create bettter environment for African hair to grow well.
- E De Prevent Premature Gray Hair: If you use onion well, e fit help stop your to quick de turn white before time. E go maintain the natural color of your hair for a long time.
- E De Promote Healthy Hair Growth: The plenty sulfur wey dey inside onion de support healthy growth. E dey especially good for African hair texture.
- E De Protect Hair from Pollution and Sun Damage: Onion de act like natural shield wey de protect African hair from pollution and too much sun.
- E De Reduce Oil Production: If you de use onion for your hair well, e go balance the pH levels for your scalp and reduce how your scalp de produce too much oil. This one dey important for the health of African hair.
- E De Treat Scalp Infections: Onion na natural medicine for many scalp infections wey dey common for African hair, like ringworm and dandruff.
- E De Reduce Inflammation and Redness: The anti-inflammatory properties for onion juice dey especially good for calming the scalp and reducing inflammation wey dey common for African hair.
- E De Help Treat Dry and Frizzy Hair: Onion fit help tackle dryness and frizziness wey be big wahala wey plenty African hair de get. E go provide the necessary moisture wey the hair need.
- E De Strengthen Hair Follicles: The nutrients for inside onion de contribute to the strength of hair follicles. E de give African hair power.
- E De Bring-Out Hair Natural Shine: If you de use onion regularly for your hair, e go bring-out the natural shine and brightness wey dey inside African hair, e go make-am de look healthy and fine.
How to Use Onion for Your Hair
Make we see the better way to use onion well for your hair to get better result:
Onions Juice Treatment
According to one study, if you fit de use onion juice for your hair, e fit help to get longer and fuller hair. This study dey correct because me-self don confirm-am from personal experience and the better result of several of my clients.
How to Do-Am:
Blend some onions and extract the juice comot. Mix small coconut oil or any other carrier oil inside the onion juice and rub the juice for your scalp with cotton wool. Massage your scalp for round, circle motion for like 5-10 minutes. Apply the remaining for the rest of your hair. Leave-am for like 1-2 hours or even overnight if you fit bear the smell, before you wash-am comot with mild shampoo. After, Condition your hair as usual.
Onion Hair Mask
How to Do-Am:
Mix onion juice with things like honey, aloe vera gel and coconut oil, castol oil, or olive oil together. Rub-am for your hair and scalp, leave am for like 45 minutes to 1 hour before you wash-am comot with mild shampoo. After, Condition your hair as usual.
Onions Oil Treatment
Onion oil na better oil for better hair growth. According to some studies, Onion oil de make hair soft, smooth, and e de add shine to your hair. You fit use-am for scalp massage wey go help make blood flow well for your scalp and hair folicles. Onion oil de good well for those wey don lose their hairline from hairstyle damage.
How to Do-Am:
Method 1: Blend some onions with some part of the oil wey you want use. Pour am for pot under very low heat. Add the remaining oil. De stir-am until the oil go begin float and separate from the blended onion. The onion go fry but no let-am fry too much o! Comot-am for fire and and allow make e cool and sit-down for like 1-4 hours. You fit also use the double boiler method (See how you fit use double-boiler method for previous article ) to extract-am. Sieve the oil comot from onion shaft, separate the oil from onion water. Put the oil without water for inside sealed plastic bottle and the water part inside another bottle. Use the water part first.
Method 2: Slice some onions and pour-am with the oil wey you want use inside pot on very low heat. Fry the oil for inside the oil for some time. No let the onions dry for inside the oil o, if you no want chop agoyin beans stew😋😜. You go comot-am for fire as soon as you see say the onion don release e flavor inside the oil. Allow make e cool and sit-down for like 8-12 hours. Sieve, separate oil from water and store for bottle as I talk-am above.
You fit use onion oil as:
1. Hot Oil Treatment
How to Do-Am:
Warm your onion oil small inside a small bowl of hot water. Rub-am for your scalp and massage well. Add for your hair too and cover-am for like 30 minutes before you wash-am with shampoo. E go help yur hair folicles wella!
2. Shampoo Mixer
How to Use Am:
Add small small onion oil to your shampoo. E go help your hair grow well and e go de keep your scalp healthy.
Which Onion Better Pass for Hair Growth?
The best onion wey you fit use for hair growth na red onion. Red onions get plenty sulfur wey fit help boost collagen production for your hair folicles. E go help build up your hair folicles, come reduce hair loss and make hair grow well.
Important Things To Remember
Begin you begin use onion well for your hair, abeg, u test-am first to see whether go affect you or not. Wash your hair well after you use onions make the smell no too strong for you.
Why We Need To Use Wetin Nature Give Us
To talk-am finish, onions na one powerful natural way wey fit help your hair grow well. E get history wey follow-am, and science confirm say e get power. No dull yourself o, make you begin use wetin nature don give you, make you for get strong, healthy hair wey go de shine like the morning sun.
Until next time,
AfricNaijaHairCarePidgin! 😍😍😍
#AfricanHairType, #AfroHairType, #AfricanHair, #NigerianHair, #AfroHair, #Blackhair, #AfricanHairCare, #AfroHairCare, #NigerianHairCare, #Nature, #NaturalHairCare, #NaturalHair, #Relaxedhair, #HairTips, #GrowLongHair, #HairGrowth, #Naturalvs.Relaxed, #PidginEnglish, #HowTo, #Benefits, #Challenges, #HairJourney, #Understand, #Sabi, #Africansheabutter, #sheabutter, #Onion, #OnionJuice, #OnionOil, #AfricNaijaHairCarePidgin, #Africa, #AfricanHeritage, #AfricNaija
Posts
0 Comments