The Power of Cloves for Hair Growth: Ancient and Modern African Remedy

For the world of natural things wey fit help our hair, e get one kind gem wey shine pass others—cloves. The use of cloves wey we de popularly call “Kanafuru” for Nigeria dey useful for different-different things, including to grow hair. The use of clove dey deep for African and Nigerian history. From old-time tradition reach modern science wey don confirm say e de work, cloves don show say e get power to make our African hair de jolly. 👩

 

Cloves (Kanafuru)

Ancient Roots for African and Nigerian History

 Cloves don dey important for African traditional medicine for many years. For Naija, tribes like Yoruba,  Igbo, and Hausa among others, de use cloves for cooking and for medicine. The strong history wey cloves get for African societies show say e sabi work and e fit help person hair well-well.

 

Modern Science Agree With-Am

 Modern science don waka enter cloves matter, and don confirm-am say cloves get essential nutrients like vitamins, minerals, and antioxidants. Studies don show say e get something wey them de call eugenol for inside cloves, wey fit promote hair growth, repair and strengthen the hair, and also help to fight against any scalp wahala. All this fine things make cloves dey good for hair and de help hair grow well-well.

 

6 Benefits of Cloves for Hair Care

• E fit ginger hair follicles: Cloves get natural way wey e take de make blood waka well-well for scalp. Because of that, e  go help carry better nutrients go inside the scalp and enter the hair follicle. This one go help the hair to dey fine and grow well.

• E de fight scalp wahala and germs: The eugenol for inside cloves fit help fight against scalp wahala like dry scalp and dandruff, and sabi kill germs. E no go let dandruff or any scalp wahala show for your head and e go make sure say your hair dey healthy. 

• Cloves get better nutrients: Cloves get plenty better things wey fit help hair well-well, like vitamin C, vitamin K, calcium, and magnesium. This nutrient-dem go help make hair strong, shine well-well, and e no go de break. 

• E de prevent premature gray hair: Clove get one special thing wey fit help improve melanin production, wey be the thing wey de give your hair e natural color.  If you dey late twenties and thirties and don de notice say grey hair don de show for your head, na the time be this to begin use clove to your hair.

• E fit treat hair loss: Hair fall na big wahala for many because of strong hair products, too much heat, tight hairstyles, hard water, and dirty air.  If your hair no de chop better food, e go begin fall. If you no tackle this matter quick, e fit lead to hair loss, hair wey no plenty again, bald head, and make hair no dey front line. Clove na one ogbonge solution for this problem. Trust me, you no need to wait for too long before you go begin see e work. Try-am and see the wonder!

•  E go add shine to your hair: Your hair de look dull and no de shine like other people own? Many times, na when hair no too get enough water de cause-am. If your hair no get enough water, e go begin de frizz, break and e go de look like say e no get life. But if you give cloves small chance, cloves fit give better shine to your hair and make-am smooth and dey easy to comb especially if you leave-am overnight for your hair.

 

 Different Ways to Use Cloves for Healthy Hair

 Clove-infused Oil for Scalp Massage

Make your own oil for house by mixing crushed cloves inside coconut or olive oil. Heat the oil with crushed cloves using double boiler method and let-am cool down. You fit also use cold-pressed method by leaving the oil mix with crushed clove inside a jar for some days or one week. Strain-am comot and store for tight bottle. De use this oil take massage your head regularly. You fit also make a special order to me to make clove oil for you. I fit do-am for you (DIU), if you no fit do-am yourself (DIY).

 

Clove Hair Rinse

Boil small cloves for water, let-am cool down, and use the water take wash your hair after you don shampoo and deep condition your hair. This go help make your scalp dey healthy and e go add shine for your hair.

 

Add inside Shampoo

Mix small drop of clove oil inside the shampoo wey you fit finish one time. Wash and massage your hair with-am and allow make e stay small for like 3minutes before you rinse-am comot. Deep condition after.

 

Make you no forget: Test-am first. Make you do small test first to check if your body go like cloves before you begin use-am well.

 

 The power wey cloves get to make hair grow well no be joke o! E  get strong connection and prove with African and Nigerian traditions. Even modern science don confirm say e de work. Why you no try add-am join your hair regimen and see the wonder wey e go do for your hair. If you try-am at all, you no fit experience im benefit. Abeg, keep enjoying the gift wey nature don give you! 😍

Until next time, 

Love from MamaDelight

AfricNaijaHairCarePidgin! 😍😍😍

#AfricanHairType, #AfroHairType, #AfricanHair, #NigerianHair, #AfroHair, #Blackhair, #AfricanHairCare, #AfroHairCare, #NigerianHairCare, #Nature, #NaturalHairCare, #NaturalHair, #Relaxedhair, #HairTips, #GrowLongHair, #HairGrowth, #Naturalvs.Relaxed, #PidginEnglish, #HowTo, #Benefits, #Challenges, #HairJourney, #Understand, #Sabi, #Africansheabutter, #sheabutter, #Cloves, #CloveWater, #CloveOil, #AfricNaijaHairCarePidgin, #Africa, #AfricanHeritage, #AfricNaija