Our Hair Na Like Plant:11 Ways Plant and African Hair Take Resemble

Our Hair Na Like Plant

To fit grow our hair well, we must understand the character of our hair. How our hair de grow and flourish?  One better way to sabi this one na to compare our hair to plants. In this article, we go talk about how our hair and plant take resemble and how e de grow and flourish like plant.

Plant & African Hair

             

11 Ways Plant and African Hair Take Resemble

• Better Food: Just like plant need better food from soil, hair need better vitamins and minerals from balanced food to fit grow strong and healthy. If you no chop well, and no give your hair better food to chop, e fit affect the growth of your hair.

• Water/Hydration: Plant need water to grow and look well, and na so e be for hair. If you de drink and use water well for your hair, e no go de dry or break anyhow. E go de stretch well.

• Sunlight: Sun de give plant life as e de shine well well for dem through photosynthesis. Our hair too need sunlight, e dey important for e growth. If e see sun, e go shine bright like plant wey de enjoy the sunshine. Try de waka outside small, make your hair fit see small sun.

• Soil Quality: Soil wey dey well and get the right nutrient de help plant grow. The soil be like the scalp of our hair. How you take maintain your scalp like cleanliness and oil balance, fit affect hair growth. If you care for your scalp well, your hair go grow well and e no go de get wahala. 

• Harsh Weather: If weather too harsh, e fit spoil plant. E de also spoil hair if weather dey too harsh. Make you try de cover your hair well for hot sun or extreme cold weather.

• Pruning and Trimming: Plants need to dey trimmed to remove dead parts. Similarly, if you trim your hair regularly, e fit prevent split ends and make hair grow well. This one fit dey very hard to do o. You fit de wonder, how many hair dey the head wey I go still de cut am? 😏 But trust me, if you de cut bad ends for your hair regularly, e go make your hair de grow well and e no go de break anyhow.

• Pest and Disease Control: Plants need protection from pests and diseases. Hair too need protection from damage wey heat, chemicals, or tight hairstyles fit cause. E de prevent hair loss and breakage.

• Proper Rest: Just like plant need rest, human hair de need rest too. Rest well so that your body go fit repair and promote hair growth. 

• Stress Management: Too much wahala fit spoil plant health. E also fit spoil hair. Make you de try relax well and no too de worry-worry. De run from hair tools and hairstyles wey de stress your hair.

• Nature's Renewal: Just like plants get time or season to shed old or bad leaves comot, na so human hair especially old ones get time wey e go naturally shed comot  make new one for fit grow.  Person de lose like 50 to 100 strands of hair every day. This shedding dey natural as e de make way for new things to grow. Na also sign say both human and plants dey healthy and de shine well. 

• Genetics: How plant de grow na from im papa and mama. Na so e still be for hair. If hair dey thick or e dey thin, na from person papa and mama hand e de come. But anyhow wey e be, you fit still make whichever type of hair wey you inherit grow well to e maximum length and look healthy.

 If you sabi and handle your African hair just like that vegetable for your garden or fruit tree for your farm, your hair fit grow and shine well-well. 😊

Until next time, Una welcome to AfricNaijaHairCarePidgin! 😍😍😍

#AfricanHair, #NigerianHair, #AfroHair, #Blackhair, #AfricanHairCare, #NigerianHairCare, #NaturalHairCare, #RelaxedHairCare, #NaturalHair, #RelaxedHair, #HairTips, #GrowLongHair, #HairGrowth #PidginEnglish, #Howto, #Plants, #HairLikePlant, #PlantHairResemble, #HairJourney, #Africa, #AfricanHeritage, #AfricNaijaHairCarePidgin, #AfricNaija

Read more: You Fit Grow Your Hair Well (africnaijahaircarepidgin.blogspot.com)

Picture Credit: houseoflegacy on Pixabay,  truthseekers08 on Pixabay