Natural vs. Relaxed Hair: Benefits and Challenges For Your Hair Journey 

One topic wey dey close to every woman heart na the choice between natural and relaxed hair. As we don talk for our previous article, (Natural or Relaxed Hair: Which One Better Pass?), na both styles dey very fine, and the better choice de depend on how e de make you feel. The choice between relaxed and natural hair dey personal, and na both of dem get benefits and wahala wey de follow. To sabi maintain your hair well, you go need to sabi wetin I fit call 'the language' and 'behaviour' of these hair types. Na this one go fit help you manage dem well and get the better result wey you de long for. 

For this article, we go talk about the benefits and challenges of natural and relax hair, how dem de grow, how dem dey stretch, and how they like make you maintain dem. If you sabi these things well, you go get the power and sense to make better decisions for your hair wey go make am heathy and reach e maximum length. Make we enter the tori 😉

Natural Hair: The Real Deal

Natural Hair

5 Benefits of Natural Hair

• Growth Rate: Natural hair de grow quick and reach long length if you de take care of am well.
• Elasticity: Natural hair fit stretch well and e no de break easily. Because of that, e de give chance for plenty styles wey relax hair fit no get the liver to carry. I de personally compare am to "Local Chicken"😚. 
• Maintenace: Regular moisturizing and protective styles de maintain natural hair texture and e general health.
• Length Retention: With better care, natural hair de keep length well and de show e full potential.
• Style Flexibility: Natural hair get many styling options, e de show personality and creativity, from coils reach braids.

Challenges of Natural Hair

• Time-Consuming: Natural haircare de take plenty time and patience to see better results. 
• Detangling: Natural hair sabi tangle well-well and for some hair texture, na serious work o😓. Because of that, e no dey easy to handle and e de require detangling am gently to avoid breaking.

Relaxed Hair: The Versatile Look

Relaxed Hair

6 Benefits of Relaxed Hair

• Growth Rate: Relaxed hair de grow steady, and with better care, you fit style am into many fine looks.
• Elasticity: If you handle relaxed hair with care, e still dey flexible for styling even though say e no dey as elastic as natural hair. I de personally compare am to "Agric Chicken" because e de need pamper well well😚. 
• Maintenace: For better health, relaxed hair still need regular deep conditioning, even though say e no need plenty daily maintenance.
• Length Retention: Regular trimming de prevent split ends and e de help hair keep length and dey healthy.
• Style Flexibility: Relaxed hair fit dey coils, straightened, or styled into fine updos. E give chance for many options.

Challenges of Relaxed Hair

• Chemical Sensitivity: Relaxers fit cause scalp wahala and hair loss or damage if dem no apply am well.
• Breaking: Relaxed hair fit break easily, so e dey important to handle am and treat am with care always.

Conclusion: 

To choose between relaxed and natural hair na personal matter wey de depend on personal taste and lifestyle. If you sabi the unique qualities of each hair type, you go fit make better decisions as you de manage dem. Both natural and relaxed hair fit flourish if you take care of dem well and use the right methods. Na those methods many of us de get wrong. But with AfricNaijaHairCarePidgin, you go fit choose right if you de follow us and subscribe to our blog for our homepage. Na that one go help you to fit de grap your copy of the haircare tips wey we go de drop for you as soon as dem de drop hot-hot. ☕. We go appreciate your comments too about wetin you think about this blog. That one go help us know wetin you go like make we discuss about in the future and how you want make we help you with your hair challenges.

Until next time, abeg, accept the beauty of the style wey you choose as a sign of your uniqueness and make you dey sure say you de understand and speak the language of your hair for better health and growth. Enjoy your hair journey! 🌿✨

With love,

AfricNaijaHairCarePidgin! 😍😍😍

#AfricanHair, #NigerianHair, #AfroHair, #Blackhair, #AfricanHairCare, #NigerianHairCare, #NaturalHairCare, #RelaxedHairCare, #NaturalHair, #Relaxedhair, #HairTips, #GrowLongHair, #HairGrowth, #Naturalvs.Relaxed, #PidginEnglish, #Howto, #Benefits, #Challenges, #HairJourney #AfricNaijaHairCarePidgin, #AfricNaija, #Africa, #AfricanHeritage

Picture Credit: Ongagabrian on Wilkemedia, Dellon Thomas on Pexels